İslam Yolu

BOOKS / LANGUAGES

БИР АГЕНТТИН МОЮНДООЛОРУ

Бул китепти дыкаттык менен окуган адам Исламга эң көп душмандык кылгандардын Британия Империясы экендигин түшүнүп, азыр бардык дүйнөдөгү мусулмандарга чабуул кылып жаткан ваххибиликти тарыхта ошолор кургандыгын жана колдоп келгендигин жакшылап билип алат. Билими, акылы, ар-намысы бар Британдыктар дагы Британ Империясынын ушул душмандыгынан жийиркенет. Ар мусулман мамлекеттеринде пайда болгон мазхабсыздардын ваххабиликти таратып жүргөндөрүн угуп жүрөбүз. Жада калса, ушул “Хемфердин моюндоолору” китебин дагы кыялданып отуруп бирөөнүн жаза салганын айтып жүргөндөр да кездешет. Бирок, колдорунда бул сөздөрдүн тастыктай турчу эч кандай далилдери жок.

Жаннат Жолу Илмихалы

Сиздерге сунулган «Жаннат жолу» илмихалынын асыл аты «Мифтах-ул Жаннат», б.а., Жаннат эшигинин ачкычы деп аталат. Хижри камери 885 [м. 1480]-жылы Эдирне шаарында кайтыш болгон Мухаммед бин Кутбуддин Изники “рахима-хуллаху таала” жазган. Улуу Ислам аалым, сеййид Абдулхаким Арваси “рахимахуллаху таала” (Мифтах-ул Жаннат) илмихалынын авторунун салих зат экендигин, окуган адамдарга пайдалуу боло тургандыгын айткан. Ошон үчүн бул китепти басып чыгардык. Окуган адамдын дүнүйө жана акыретте бакытка жетүүсүнө себеп боло турчу бул баалуу китеп өз ичине ыймандын жана Исламдын шарттарын, ибадаттар, адеп-ахлак, үй-бүлө жана башка ар бир адамга аба менен суудай керек болгон көптөгөн маалыматтарды камтыган.

Ибреттүү окуялар

Окурмандардын кеңири катмарына арналган китепте тарыхта өткөн пайгамбарлар, олуялар жана аалымдардын өмүр баяндарынан өтө чоң үлгү-сабак ала турчу таасирдүү окуялар жыйналган. Ошону менен катар ичинде руханий, маданий мурастарыбызга байланыштуу көптөгөн маалыматтар орун алган. Ибрет – насыяттын өзгөчө бир көрүнүшү. Атабабаларыбыздан, даанышмандарыбыздан бизге чейин келип жеткен, мыкты таалим-тарбия бере тургудай акылнасаат сөздөр жана окуялар бар.

Ислам Ахлагы

Адамга дүйнөдө жана акыретте зыян тийгизе турган нерселердин бардыгы жаман мүнөздөн пайда болот. Зыяндардын, жамандыктардын башы - жаман мүнөздүү болуу. Арамдардан, жаман нерселерден сактануу “Таква” деп ааталат. Такыбаа - ибадаттардын эң жакшысы. Анткени, бир нерсени кооздоо үчүн алгач андагы кир нерселерди, жамандыктарды жок кылуу керек. Ошондуктан, күнөөлөрдөн арылмайынча Исламга моюн сунуунун, ибадаттын эч кандай пайдасы болбойт. Жасагандарына сооп берилбейт. Жамандыктардын эң жаманы - куфур. Капырдын (Аллахка душман болгон адамдын) эч бир жакшылыгы акыретте пайда бербейт. Зулумдук менен өлтүрүлгөн капыр шейит болбойт. Бейишке дагы кирбейт. Ыймансыз болгон адамдын эч кандай жакшылыгына сооп берилбейт. Бардык жакшылыктардын негизи - такыбаа. Бардык нерседен мурда такыбаа болууга аракет кылуу керек. Бардык адамдарга такыбаалуу болууну буюруу жана насаат кылуу керек. Дүйнөдө ырахатка, тынчтыкка жетүү, таттуу өмүр сүрүү, акыретте дагы чексиз азаптан кутулуп, түбөлүк жакшылыктарга, бакыттарга жетүү такыбаа менен гана болот. Жаман мүнөздөр көңүлдү оорулуу кылат. Бул оорунун күчөөсү көңүлдүн өлүүсүнө (куфурга) себеп болот. Жаман мүнөздөрдүн эң жаманы болгон ширк (куфур) - жүрөктүн эң жаман уусу. Ыйманы жок адамдын “Менин жүрөгүм таза. Сен жүрөгүмдү кара!” деген сөздөрү бекер. Өлгөн жүрөк таза болбойт. Куфурдун түрлөрү бар. Булардын ичиндеги эң жаманы, эң чоңу ширк болуп эсептелет. Бир жамандыктын түрлөрүн билдирүү үчүн көбүнчө булардын эң жаманы айтылат. Ошондуктан, аяттарда жана хадис-и шарифтерде кездешүүчү “ширк” сөзүнөн куфурдун бардык түрү деген маани түшүнүлөт. “Ниса” сүрөсүнүн 48 жана 116-аяттарында мушриктердин кечирилбей тургандыгы билдирилген. Ушул аяттар капырлардын Тозок отунда түбөлүк кала тургандыктарын билдирет

Ислам Дини

Дин - адамдардын түбөлүк бакытка ээ болуулары үчүн Аллаху таала тарабынан көрсөтүлгөн жол. Аллаху таала Адам алейхиссаламдан бери ар миң жыл сайын пайгамбарлар аркылуу адамдарга дин жиберип турган. Адам алейхиссалам - алгачкы адам жана алгачкы Пайгамбар. Пайгамбарлар - Аллаху тааланын диндерин үгүттөөчү, жеткирүүчү, билдирүүчү адамдар. Жаңы динди алып келген пайгамбар “Расул” деп аталат. Ар кылым сайын эң таза адамды пайгамбар кылуу аркылуу диндерди кубаттандырып турган. Расулдарга баш ийген бул пайгамбарлар “Наби” деп аталат Бардык пайгамбарлар бир гана ыйман тууралуу айтышкан, б.а., үммөттөрүнөн бир нерсеге ыйман келтирүүлөрүн каалашкан. Адам алейхиссалам жана Мухаммед алейхиссаламдын билдирген ыйман негиздери бирдей. Бир гана жүрөк жана дене менен аткарыла турган амалдар жана сактануу керек болгон жагдайлар гана айырмаланып турган. Аллаху таала Расулдары аркылуу жиберген диндердеги бул сыяктуу жагдайлардын кээ бирөөлөрүн колдонуудан чыгарып, жаңы өкүмдөр киргизип турган. Ар бир дин өзүнөн мурда келген диндин өкүмдөрүн жоюп турган.

Намаз Китеби

Адам алейхиссаламдын заманынан бери ар бир динде бир маал намаз бар болчу. Бардыгы чогултулуп, Мухаммед алейхиссаламдын үммөтүнө фарз кылынды. Намаз окуу ыймандын шарты эмес, бирок, намаздын фарз экенине ынануу ыймандын шарты. Намаз - диндин тиреги. Намазын үзгүлтүксүз, так жана толук окуган адам динин, Ислам имаратын түптөн тургузган болот, ал эми намаз окубаган адам Ислам имаратын, динин кулаткан болот. Пайгамбарыбыз “саллаллаху алейхи ва саллам” айтты: «Динибиздин башы – намаз». Башсыз адам болбогон сыяктуу эле, намазсыз да дин болбойт. Намаз Ислам дининде ыйман келтирүүдөн кийин фарз кылынган алгачкы буйрук. Аллаху таала пенделеринин өзүнө гана ибадат кылуулары үчүн намазды фарз кылды. Курани каримде жүздөн ашуун аятта «Намаз окугула!» деп айтылат. Ал эми бир хадиси шарифте: «Аллаху таала күнүгө беш маал намаз окууну фарз кылды. Маани берип, шарттарына ылайык күн сайын беш маал намаз окуган адамды Жаннатка киргизерине Аллаху таала сөз берди», - деп айтылат.

Силсиле-И Алиййа

Орто Азия элдеринин диний-руханий жашоосунун калыптануусунда Накшбандия тарикатынын орду өзгөчө болгондугу тартышсыз. Ахмед Яссави сыяктуу улуу аалымдын өзү бүткүл илимин Накшбандия пиринин колунан алгандыгын эске салсак аты аталган тарикаттын жашообузда ээлеген ордунун канчалык кеңири экендигин түшүнө алабыз. Кыргыз тилинде жарык көргөн бул китеп ошол улуу тарикаттын улуу пирлери тууралуу маалымат берүүнү көздөйт. Арабстандан башталган аалымдар чынжырынын Орто Азия элдеринде он төрт өкүлүнүн болуусу бардыгыбыз үчүн чоң мактаныч. «Силсиле-и Алиййа» - улуу санжыра дегенди түшүндүрөт. Бир мектеп, бир жол, бир тарикаттын ичинде кылымдардан бери устаз-шакир түрүндө келе жаткан аалымдар санжырасы Арап тилинде «силсиле» деп аталат. Ал эми «алиййа» деген сөз Арап тилинде «улуу» деген маанини билдирет

Сукбаттар

Даанышман заттар айтышат: Физика илиминде бир эреже бар: Плюс плюсту, минус минусту өзүнө жолотпой түртүп турат. Терс болгон нерселер бири бирине тартылышып турат. Эки киши бири-бирине «меники туура” деп отурса ортодо уруш чыгат, тынчтык кетет. Бири экинчисине «сеники туура” десе уруш бүтөт, тынчтык башталат. Аял-күйөө да бири-бирине «сеники туура” десе тынч жашоо болот. Экөө тең «меники туура” деп отурса тынч жашоо болбойт. Ал эми экөө тең бири-бирине «сеники туура” дей турган болсо эмне болот? Ал үйдө тынчтык өкүм сүрүп, илахи махабат сүйүү башталат. Дос өтө маанилүү. Кимди сүйсөк ошолор менен бирге суракка алынабыз. Кандай жашасак ошондой өлөбүз, кандай өлө турган болсок ошондой тирилебиз.

Хазрети Мухаммед Алейхиссаламдын Өмүрү

Бул китеп сүйүктүү Пайгамбарыбыз Мухаммед алейхиссаламдын ыйык өмүр жолун баяндайт. Китепти көңүл коюп окугандардын жүрөктөрүндө Аллаху тааланын Элчисине карата таңдануу менен сыймык сезими орун алып, ааламдын Мырзасына деген сүйүүсү көбөйүп, анын адамзатка үлгү болгон жашоосунан таалим алаары айкын. Бул китеп улуу-кичүү бардык окурмандардын кызыгып окуй турчу тарыхтын алтын доорлорунан кабар берет. Ал бир гана мусулман окурмандарга эмес башка да дин, ишеним өкүлдөрү менен диндин тарыхын изилдегендерге да Мухаммед алейхиссаламдын өмүр жолун, пайгамбардык касиеттерин билүүдө баалуу маалымат булагы боло алат. Руханий дүйнөбүздүн өркүндөөсүнө чоң салымын кошо турчу бул китеп үйүңүздүн кубанычына айланмакчы.

FOLLOW US

ORDER FOR FREE READ DOWNLOAD VIDEOS LANGUAGES ABOUT US Feedback CONTACT

Address: İstanbul Türkiye
Email : bilgi@konakvakfi.org
Telephone : +90 549 870 07 79 / +90 212 852 23 11

Copyright © islamyolu.net 2021

https://www.islamyolu.net/book-list.html?tp=274