İslam Yolu

BOOKS / LANGUAGES

Ағылшын Тыңшысының Мойындаулары

Бұл кітапты мұқият оқыған адам Исламның ең үлкен дұшпаны ағылшындар екендігін түсініп, қазір бүкіл əлемдегі мұсылмандарға шабуыл жасап жатқан уаххабиттікті ағылшындардың құрғанын жəне қолдап жатқанын жақсылап біліп алады. Білімі, ақылы, ар-ожданы бар ағылшындар да ағылшын үкіметінің осы дұшпандығынан жиіркенеді. Əр мұсылман мемлекеттерінде пайда болған мазһабсыздардың уаххабилікті жайып жүргендерін естіп жүрміз. Тіпті осы “Хемфердің мойындаулары” кітабын қиялдап отырып, біреудің жаза салғанын айтып жүргендер де кездеседі. Алайда қолдарында бұл сөздерін дəлелдейтін ешқандай құжаттары жоқ.

Ғибратты Оқиғалар

Кең окырман қауымына арналған кітапта тарихта өткен әулие және ғұламалар өмірінен сабақ аларлық құнды оқиғалар жинақталған. Сонымен қатар ішінде рухани, мәдени мұраларымызға қатысты көптеген пайдалы деректер орын алған. Ғибрат – насихаттың өзгеше бір көрінісі. Ата-бабаларымыздан, даныш-пандарымыздан бізге дейін жеткен көптеген ұлағатты, ғибрат аларлық-тай тамаша тәлім-тәрбие берерліктей өсиет сөздер және оқиғалар бар. Бұл кітап сіздерге осындан даналық сөздермен оқиғаларды ұсынады

Бұл кітап кең оқырман қауымға арналған. Отбасының қоғамдағы маңызы, отбасыда ата-ананың құрметі, ерлі-зайыптылардың міндеттері, бала тәрбиесі секілді өзекті мәселелер баяндалады. Бүгін отбасы құндылықтарымыз үлкен қауіпте. Жаһанданып жатқан дүниеде «заманауи» деген ұранмен ұсынылып жатқан әдепке жат қасиеттерді сіңіріп, ақырын ақырын түп тамырымыздағы құндылықтарымызды жоғалтып келеміз. Маскүнемдік, есірткі, ұрлық, зорлық-зомбылық секілді барлық жамандықтардың түбі негізінде отбасылық құндылықтардың бұзылуынан бастау алады. Бұл ақау дұрысталмайынша қаншама шырылдасақ та нәтиже өзгере қоймайды. Ұмытпайық отбасы күшті болса, адам да, қоғам да күшті болады. Отбасылық құндылықтарымызға бекем болмасақ, келеңсіздіктер шешілмейді. Шешім отбасылық құндылықтарымызды сақтап қалу. «Бақыттың кілті – Жанұя» есімді бұл еңбегімізде жанұя ішіндегі әрбір мүшенің өзіндік рөлдерін және жанұяның қоғамдағы орнын көрсетуге тырыстық. Біздің дәстүрлі отбасы құрылымымыз мейірім, өзара құрмет, махаббат негізінде құралған. Отбасыда әркімнің орны қандай, кімнің міндеті қандай, кімнің қай жерде отыратыны, кімнің жолы үлкен бәрі орныққан. Рухани құндылықтарына ие нағыз жанұяны ешкім тізе бүктіре алмайды. Өмір ағысында алдарынан не шықса да, ол жанұя бүкіл қиындықтарға бірге төтеп береді, тіпті шыңдалып, одан да күшейіп артынша келетін көркемдіктерімен қуаныштарымен де бөліседі.

Ислам ахлақы

Кітабымыздың бірінші бөлімі Мұхаммед Хадимидің (1762ж. қайтыс болған) “Бәриқа” кітабынан аударылған. Бұл бөлімде исламға жат болған мінез-құлықтардың және олардан сақтану мен арылудың жолдары білдіріледі. Бұл жаман мінездер – көңілдің (жүректің) аурулары болып табылады. Жаман мінездер көңілді және рухты мәңгілік өлімге алып барады. Кітабымыздың екінші бөлімі х.979 (м.1572) жылы Эдірне қаласында қайтыс болған Әли бин Әмруллаһтың (рахимәһуллаһу та’ала) “Ахлақи алаи” атты кітабының негізгі бөлімінен алынып, онда мінез-құлықтың анықтамасы мен түрлері айтылған. Бұл еңбекті оқыған оқырмандар ата-бабаларының саламатты, көркем мінезді, еңбекқор, мәдениетті, алдыңғы қатарлы ел болғандығын ұғынып, жаман мінезді дұшпандардың жалған жалаларына алданудан сақтанады.

Ислам Діні

Сонғы кезде халқымыздың имандылыққа бет бұрғаны қаншалықты қуанарлы болса, оның пәк болған санасына сыртқы күштердің тынымсыз улау мақсатымен жүргізіп жатқан саясаты да соншалықты қайғылы екені сөзсіз. Ұлтымыздың бірлігіне қауіп төндіріп тұрған ұлттық санаға жат бағыттардың «дін еркіндігі» ұраны арқасына жасырынған іріткі салу үгіттеріне төтеп беру жеткілікті діни мәліметі болмаған азаматтарымыз үшін әрине оңайға соқпайды. «Ислам діні» кітабы осындай жағдайда халқымыздың дұрыспен бұрысты ажыратып алуына көмектесу мақсатында құнды деректерден алынып даярланды. Кең оқырман қауымына арналған аталмыш кітаптың негізгі мақсаты - дәстүрлік әһлі сүннет (сүнни) жолымыздың сыртындағы өзге де топтар және діни бағыттарды оқырманга өздерінің еңбектері арқылы таныстыру ғана. Адасқан топтардың дінді идеологияға айналдыруы нәтижесінде қаншама мұсылмандардың тура жолдан таюына себеп болғаны, халықтардың, мемлекеттердің басына қауіп туғызғаны жайлы деректер келтіріледі. Сонымен қатар кітапта адасқан топтар мен сенімдері туралы атақты ислам ғұламаларының берген жауаптары да орын алған.

Намаз Кітабы

Намаз кітабы бүгінгі таңда халқымыздың өз дәстүрлі дініне деген қажеттілігіне және дәстүрлі дінімізді ұстанудың маңызы айқын көрініп тұрған заманымыздың талабына аз болса да үлес қосады. Кітап дәстүрлік сүнни мұсылмандардың Ханафи мазһабы ғалымдарының құнды кітаптарын пайдалана отырып, даярланды. Шынайы мұсылман, мемлекетке қарсы қылмысқа және Жаратқанға қарсы күнәға қол ұрмайды. Момындық мінезі мен айналасындағыларға үлгі болады. Бұл кітап осылар жөнінде тәрбиелік маңызы жағынан мол деректер мен байытылған. Барша мұсылман қауымына арналған намаз және әдептілік мәліметтерін барынша өзінде жинаған бұл кітаптың оқырман қолына жеткенге дейінгі дайындау кезеңінде қымбат уақыт және еңбектерін аянбаған бүкіл достарымызға алғысымызды айтамыз.

Хазреті Мұхаммед Алейһиссаламның Өмірі

Бұл кітап, сүйікті пайғамбарымыз Мұхаммед алейһиссаламның мүбәрәк өмір-баянын хикаялайды. Кітапты мұқият оқығандардың жүрегіне Аллаһу та’аланың елшісіне деген таңданыс пен мақтаныш ұялап, әлемнің мырзасына деген махаббаты артып, оның адамзатқа ғибрат боларлық өмірінен нәр алары сөзсіз. Бұл кітап үлкен-кіші, барша оқырманның қызыға оқитын тарихтың алтын дәуірлерінен сыр шертеді. Ол тек мұсылман оқырмандарға ғана емес, өзге дін өкілдері мен дін тарихын зерттеушілерге Мұхаммед алейһиссаламның өмірлік жолын, пайғамбарлық қасиеттерін білуде құнды дереккөз болмақ. Рухани әлеміміздің көркеюіне үлкен септігін тигізетін бұл кітап, үйіңіздің қуанышына айналғай.

FOLLOW US

ORDER FOR FREE READ DOWNLOAD VIDEOS LANGUAGES ABOUT US Feedback CONTACT

Address: İstanbul Türkiye
Email : bilgi@konakvakfi.org
Telephone : +90 549 870 07 79 / +90 212 852 23 11

Copyright © islamyolu.net 2021

https://www.islamyolu.net/book-list.html?tp=275